【全港集氣：給予12位手足及親屬最大的支持 請保持關注熱度】
1.12位手足正身處於深圳市鹽田看守所，個人狀況仍然係未知之數。當局需要於37日內決定會否「逮捕」。即使決定「逮捕」，但咩時候「送檢」（意即提出檢控）、排期排幾耐、審幾耐都唔知。而檢察院又可以指「補充偵查」，來回一段時間先「起訴」。若檢察院決定提控，亦需要排期候審，而根據《偷渡國(邊)境罪》，則可判處罰款同最高一年有期徒刑。最理想情況係，中國決定將12位手足馬上送返香港接受審訊。
2.請保持本地關注熱度。事件發展至今，香港政府仍然係隻字不提。本地關注一方面可以繼續向港府施壓，要求港府表達關注、要求當局盡快交代事件，將手足送返香港審訊。另一方面，俾當局知道全港上下都正在關注事件，希望藉民情保護手足免於酷刑。
3.全港集氣給予12位手足同親屬最大支持。12位手足資訊隔絕，必定感到十分恐懼，或者擔憂香港人仍未知道自己已被送中。 此外，現時最感到徬徨嘅，必定係其親屬。12位手足係佢哋親生子女、愛人，徬徨之際絕對需要全香港人共同打氣支持。過去因苦難而連結，現時及未來嘅苦難，就需要大家一齊分擔。
4.12位手足係為公義而負擔「罪名」。事件發生之後，喺唔同媒體同資訊頻道中嘅留言，都唔難發現「軍師」嘅足跡，質疑甚至責備受害手足。其實作為同路人，喺手足出事嘅時候用留言證明自己眼界更高一籌係絕無意義，再問點解唔ABCDE亦都係無補於事。終身監禁、被送中、酷刑等等嘅情況確實係無法想像，亦都冇人可以做好心理準備。我哋需要做嘅，係繼續堅定支持同展現港人嘅愛。
目前全港嘅主線任務係「救人」，以將12位手足盡快送返香港為目標。
#全港集氣
#save12hkyouths
Search